പ്രശസ്ത സോഷ്യൽ മീഡിയ താരവും കൃത്യമായ അഭിപ്രായങ്ങളിലൂടെ ശ്രദ്ധേയനുമായ ഖാലിദ് അൽ അമേരി, മലയാള സിനിമയിലേക്ക് പ്രവേശിക്കുന്നു. നവാഗതനായ അദ്വൈത് നായർ ഒരുക്കുന്ന ‘ചത്ത പച്ചദി റിംഗ് ഓഫ് റൗഡീസ്’ എന്ന ചിത്രത്തിലൂടെയാണ് ഖാലിദ് മലയാളത്തിലെത്തുന്നത്. ഫോർട്ട് കൊച്ചി എന്ന സമ്പന്നമായ പശ്ചാത്തലത്തിൽ ഒരുക്കുന്ന ഈ ചിത്രം ഒരു ഗുസ്തി ആസ്പദമാക്കിയ ആക്ഷൻ-ഹ്യൂമർ ഡ്രാമായാണ് ഒരുക്കപ്പെടുന്നത്.

ചിത്രത്തിൽ ഖാലിദ് ഒരു അതിഥിവേഷത്തിലൂടെയാണ് അഭിനയിക്കുന്നത്, അതേസമയം അതിന്റെ പ്രാധാന്യം ഉറ്റനോട്ടത്തിലാവും. മലയാള സിനിമയോടും കേരളത്തോടുമുള്ള ഖാലിദിന്റെ അഭിനിവേശം മുൻപും കണ്ടറിഞ്ഞതായാണ് സിനിമക്കാര്‍ പറയുന്നത്. മമ്മൂട്ടിയുമായി നടത്തിയ അഭിമുഖം സോഷ്യൽ മീഡിയയിൽ വലിയ ശ്രദ്ധ നേടിയിരുന്നു.

റീൽ വേൾഡ് എന്റർടൈൻമെന്റിന്റെ ബാനറിൽ രമേഷ് എസ്. രാമകൃഷ്ണൻ, റിതേഷ് എസ്. രാമകൃഷ്ണൻ, ഷിഹാൻ ഷൗക്കത്ത് എന്നിവർ ചേർന്നാണ് ചിത്രം നിർമ്മിക്കുന്നത്.

 അർജുൻ അശോകൻ, റോഷൻ മാത്യു, ഇഷാൻ ഷൗക്കത്ത് (മാർക്കോ ഫെയിം), വിശാഖ് നായർ എന്നിവർ പ്രധാന കഥാപാത്രങ്ങളായി എത്തുന്നു. കൂടാതെ വിശാഖ് നായർ, സിദ്ദിഖ്, മുത്തുമണി, പുജ മോഹൻരാജ്, തെസ്നി ഖാൻ, ലക്ഷ്മി മിഥുൻ (റോന്ത് ഫെയിം) എന്നിവരും വിവിധ വേഷങ്ങളിലുണ്ട്. ശങ്കർ-ഇഹ്സാൻ-ലോയ് ആണ് സംഗീതം നൽകിയിരിക്കുന്നത്.

മുജീബ് മജീദ് പശ്ചാത്തല സംഗീതവും,ഗാനങ്ങൾ – വിനായക് ശശികുമാർ,  തിരക്കഥ –  സനൂപ് തൈക്കൂടം, 

 ഛായാഗ്രഹണം – ആനന്ദ് സി. ചന്ദ്രൻ, എഡിറ്റിംഗ് –  പ്രവീൺ പ്രഭാകർ എന്നിവരുമാണ്.

ഫോർട്ട് കൊച്ചിയിൽ വൻ ബഡ്ജറ്റിൽ ചിത്രീകരണം പുരോഗമിച്ചുകൊണ്ടിരിക്കുന്ന ഈ ചിത്രം, ഭിന്നമായ പശ്ചാത്തലവും കരകൗശലപരമായ അവതരണവും കൊണ്ട് ശ്രദ്ധ നേടാനാണ് സാധ്യത.