ഇറാനിൽ പ്രതിഷേധ തീപടരുന്നു; ഇന്റർനെറ്റ് വിച്ഛേദിച്ച് സർക്കാർ, പഹ്ലവിയുടെ ആഹ്വാനം ഖമനേയിക്ക് വെല്ലുവിളി
ദുബായ്: ശക്തമായ സർക്കാർ വിരുദ്ധ പ്രതിഷേധങ്ങളാൽ ഇറാൻ വീണ്ടും ഇളകിമറിയുന്നു. വ്യാഴാഴ്ച രാത്രി മുതൽ രാജ്യത്ത് ഇന്റർനെറ്റ് സേവനങ്ങളും അന്താരാഷ്ട്ര ടെലിഫോൺ ബന്ധങ്ങളും വ്യാപകമായി വിച്ഛേദിച്ചതായി അന്താരാഷ്ട്ര നിരീക്ഷണ സംഘടനകൾ സ്ഥിരീകരിച്ചു. നാടുകടത്തപ്പെട്ട മുൻരാജകുമാരനും കിരീടാവകാശിയുമായ റെസ പഹ്ലവി നൽകിയ ആഹ്വാനത്തെ തുടർന്ന് രാജ്യത്തിന്റെ വിവിധ ഭാഗങ്ങളിൽ ആയിരക്കണക്കിന് ആളുകൾ തെരുവിലിറങ്ങുകയായിരുന്നു. 1979ലെ ഇസ്ലാമിക വിപ്ലവത്തിന് മുൻപ് ഇറാനിൽ ഭരിച്ചിരുന്ന ഷാ മുഹമ്മദ് റെസ പഹ്ലവിയുടെ മകനാണ് റെസ പഹ്ലവി. വിപ്ലവത്തിന് ശേഷം രാജവംശം അധികാരത്തിൽ നിന്ന് […]







































































































































































































































































































































