ഇന്ത്യൻ ഉപയോക്താക്കൾക്ക് യുഎഇയിലേയും വ്യാപാര മേഖലകളിലേയും ഡിജിറ്റൽ ഇടപാടുകൾക്ക് യുപിഐ സംവിധാനം ഉപയോഗിക്കാനുള്ള സാധ്യതകൾ വേഗത്തിൽ വിപുലീകരിക്കപ്പെടുന്നു. ഇതിന്റെ ഭാഗമായി, യുഎഇയിലെ പ്രമുഖ ഡിജിറ്റൽ പേയ്‌മെന്റ് പ്ലാറ്റ്‌ഫോമായ ‘ആനി’യും ഇന്ത്യയുടെ യുപിഐ സംവിധാനവും തമ്മിൽ ധാരണയായി.
ഇന്ത്യയുടെ തത്സമയ പേയ്മെന്റ് സംവിധാനമായ യുപിഐ, ഇനി യുഎഇയിലും സമാന രീതിയിൽ പ്രവർത്തിക്കാൻ സജ്ജമാകുന്നു. യുഎഇയിലെ വ്യാപാര സ്ഥാപനങ്ങളിലും ടാക്‌സികളിലും യുപിഐ സംവിധാനം ഉടനെതന്നെ നിലവിൽ വരുമെന്നാണ് റിപ്പോർട്ടുകൾ. ഇന്ത്യയിൽ നിന്നുള്ള പ്രവാസികൾക്കും സന്ദർശകർക്കും ഇത് വലിയ സഹായമാകുമെന്ന് വിദേശകാര്യ ഉദ്യോഗസ്ഥർ പറഞ്ഞു.
നാഷണൽ പേയ്‌മെന്റ്‌സ് കോർപ്പറേഷൻ ഓഫ് ഇന്ത്യയുടെ അന്താരാഷ്ട്ര വിഭാഗമായ എൻപിസിഐ ഇന്റർനാഷണൽ പേയ്‌മെന്റ്‌സ് ലിമിറ്റഡിന്റെ നേതൃത്വത്തിലാണ് ഈ സേവനങ്ങൾ യാഥാർത്ഥ്യമാകുന്നത്. ദുബായ് ഡ്യൂട്ടി ഫ്രീ, ലുലു ഹൈപ്പർമാർക്കറ്റ് തുടങ്ങിയ പ്രമുഖ സ്ഥാപനങ്ങൾ ഇതിനകം തന്നെ യുപിഐ വഴി പേയ്മെന്റ് സ്വീകരിക്കാൻ ആരംഭിച്ചുകഴിഞ്ഞു.
വേഗത്തിൽ സേവനം ലഭ്യമാക്കാൻ, എൻപിസിഐ ഇന്റർനാഷണൽ യുഎഇയിലെ ബാങ്കുകളുമായി ചേർന്നാണ് പ്രവർത്തിക്കുന്നത്. അടുത്ത നാലുമാസത്തിനകം ദുബായിലെ എല്ലാ ടാക്‌സികളിലും യുപിഐ പേയ്‌മെന്റ് സംവിധാനം നിലവിൽ വരുമെന്ന് അധികൃതർ അറിയിച്ചു.
ഇന്ത്യൻ ഡിജിറ്റൽ പേയ്‌മെന്റ് വിപ്ലവം അതിന്റെ അതിരുകൾ കടന്നുതുടങ്ങിയതായി ഈ പുതിയ നേതൃത്വങ്ങൾ സൂചിപ്പിക്കുന്നു.