വേറിട്ട കഥാപാത്രാവിഷ്‌കാരവുമായി സന്ദീപ് പ്രദീപ് എത്തുന്ന പുതിയ ചിത്രം എക്കോ നവംബർ 21-ന് തിയറ്ററുകളിലെത്തുന്നു. വമ്പൻ പ്രേക്ഷക–നിരൂപക പ്രശംസ നേടിയ കിഷ്കിന്ധാ കാണ്ഡം സിനിമയ്ക്ക് ശേഷം ദിൻജിത്ത് അയ്യത്താൻ സംവിധാനം ചെയ്യുന്ന ഈ ചിത്രത്തോട് വലിയ പ്രതീക്ഷയാണ് സിനിമാപ്രേമികൾ പുലർത്തുന്നത്. സൂപ്പർഹിറ്റായ പടക്കളം ശേഷം വീണ്ടും സന്ദീപ് നായകനാകുന്ന ചിത്രമെന്നതും പ്രതീക്ഷ ഉയർത്തുന്ന ഘടകമാണ്.

കിഷ്കിന്ധാ കാണ്ഡം, കേരളാ ക്രൈം ഫയൽസ് സീസൺ 2 എന്നിവയ്ക്ക് ശേഷം ബാഹുൽ രമേശ് തിരക്കഥ ഒരുക്കിയിരിക്കുന്ന ഈ ചിത്രത്തിൽ സന്ദീപ് പ്രദീപ് പ്രധാന കഥാപാത്രത്തെ അവതരിപ്പിക്കുന്നു. ആരാധ്യ സ്റ്റുഡിയോസിന്റെ ബാനറിൽ എം.ആർ.കെ ജയറാമിന്റെ ആദ്യ നിർമ്മാണമാണ് ഈ ചിത്രം.

മൃഗങ്ങൾക്ക് പ്രാധാന്യമുള്ള കഥകളുടെ നിരയിലാണ് എക്കോയും. മൂന്ന് ഭാഗങ്ങളുള്ള അനിമൽ ട്രിയോളജിയിലെ അവസാന ഭാഗം എന്ന നിലയിലാണ് ചിത്രം ഒരുക്കിയിരിക്കുന്നത്. കഥകൾ പരസ്പരം ബന്ധമില്ലാത്തതായിരിക്കുമ്പോഴും, മൃഗസാന്നിധ്യം കഥാഗതിക്ക് നൽകുന്ന സ്വാധീനമാണ് മൂന്നു കഥകളുടെയും ആത്മാവ് പോലെ പ്രവർത്തിക്കുന്നത്. മൃഗവത്കൃത സാഹചര്യങ്ങളിലൂടെ നടക്കുന്ന കുറ്റകൃത്യങ്ങളും ധാർമിക സംഘർഷങ്ങളും ട്രിയോളജിയുടെ പ്രധാന വിഷയം തന്നെയാണ്.

ചിത്രത്തിന്റെ സംഘത്തിൽ:
സംവിധാനം – ദിൻജിത്ത് അയ്യത്താൻ
നിർമ്മാണം – എം.ആർ.കെ. ജയറാം
തിരക്കഥ/ഛായാഗ്രഹണം – ബാഹുൽ രമേശ്
സംഗീതം – മുജീബ് മജീദ്
എഡിറ്റിംഗ് – സൂരജ് ഇ.എസ്
കലാസംവിധാനം – സജീഷ് താമരശ്ശേരി
ഓഡിയോഗ്രാഫി – വിഷ്ണു ഗോവിന്ദ്
മേക്കപ്പ് – റഷീദ് അഹമ്മദ്
കോസ്റ്റ്യൂം ഡിസൈൻ – സുജിത് സുധാകരൻ
പ്രോജക്ട് ഡിസൈനർ – സന്ദീപ് ശശിധരൻ
ഡിഐ – കളർ പ്ലാനറ്റ് സ്റ്റുഡിയോസ്
കളറിസ്റ്റ് – ശ്രീക് വാരിയർ
ടീസർ കട്ട് – മഹേഷ് ഭുവനേന്ദ്
വിസ്വൽ ഇഫക്ട്സ് – ഐവിഎഫ്എക്സ്
സ്റ്റിൽസ് – റിൻസൺ എം ബി
മാർക്കറ്റിംഗ് & ഡിസൈൻ – യെല്ലോ ടൂത്ത്സ്
സബ്ടൈറ്റിൽസ് – വിവേക് രഞ്ജിത് (Break Borders)
പി. ആർ. ഒ – പ്രതീഷ് ശേഖർ