ന്യൂഡൽഹി: ഇന്ത്യയുടെ ബഹിരാകാശ മേഖലയിൽ പുതുതലമുറ സൃഷ്‌ടിക്കുന്ന നവീകരണങ്ങളെ പ്രധാനമന്ത്രി നരേന്ദ്രമോദി ഉയർത്തിപ്പിടിച്ചു. ബഹിരാകാശ മേഖല സ്വകാര്യ മേഖലയ്ക്ക് തുറന്ന് നൽകിയതിനു ശേഷം, രാജ്യത്തെ യുവജനത അതിനെ അതുല്യമായ അവസരമായി ഉപയോഗിച്ചുവെന്നും പ്രധാനമന്ത്രി പറഞ്ഞു.

പ്രൊപ്പൽഷൻ സംവിധാനങ്ങളിൽ നിന്ന് കോമ്പോസിറ്റ് മെറ്റീരിയലുകൾ, റോക്കറ്റ് ഘട്ടങ്ങൾ, ഉപഗ്രഹ പ്ലാറ്റ്‌ഫോമുകൾ തുടങ്ങിയ മേഖലകളിൽ ഇന്ത്യൻ യുവത്വം സൃഷ്ടിച്ച പുരോഗതി അദ്ദേഹം പ്രത്യേകിച്ച് പരാമർശിച്ചു. ഒരിക്കൽ സങ്കൽപ്പിക്കാൻ പോലും പറ്റാത്ത മേഖലകളിലാണ് യുവ ശാസ്ത്രജ്ഞർ ഇന്ന് പ്രഗത്ഭത തെളിയിക്കുന്നതെന്ന് പ്രധാനമന്ത്രി അഭിപ്രായപ്പെട്ടു.

ഇന്ത്യ ഇന്നത്തെ നിലയിലേക്ക് ഉയർന്നത് ദൃഢനിശ്ചയത്താലും പരിമിത വിഭവങ്ങൾ സൃഷ്ടിപരമായി ഉപയോഗിച്ചതിലും കൊണ്ടാണെന്നും അദ്ദേഹം ഓർമ്മിപ്പിച്ചു. രാജ്യത്തിന്റെ താൽപ്പര്യങ്ങൾ മുൻനിർത്തി പ്രവർത്തിക്കുന്നതാണ് ഇന്ത്യൻ യുവത്വത്തിന്റെ ഏറ്റവും വലിയ ശക്തിയെന്നും മോദി പറഞ്ഞു.

“ബഹിരാകാശ മേഖല തുറന്നപ്പോൾ, ജെൻസി ഈ അവസരം പൂർണ്ണമായും ഏറ്റെടുത്തു. ഇന്ന് രാജ്യത്ത് 300-ൽധികം ബഹിരാകാശ സ്റ്റാർട്ടപ്പുകൾ ഇന്ത്യയുടെ ഭാവിയെ മാറ്റിമറിക്കുന്ന തരത്തിലുള്ള പുതു സാധ്യതകൾ സൃഷ്ടിക്കുന്നു,” പ്രധാനമന്ത്രി വിശദീകരിച്ചു.

എഞ്ചിനീയറിംഗ്, ഡിസൈനിംഗ്, കോഡിംഗ്, പുതിയ സാങ്കേതിക വിദ്യാ വികസനം എന്നിവയിൽ ജെൻസിയുടെ പങ്ക് സമയോചിതമാണെന്നും ഇന്ത്യ ഉപഗ്രഹ വിക്ഷേപണ രംഗത്ത് ആഗോള ശക്തിയായിത്തീരാനിരിക്കുകയാണെന്നും അദ്ദേഹം കൂട്ടിച്ചേർത്തു. ഹൈദരാബാദിലെ ഇന്ത്യൻ ബഹിരാകാശ സ്റ്റാർട്ടപ്പ് സ്കൈറൂട്ടിന്റെ ഇൻഫിനിറ്റി കാമ്പസ് മുഖ്യമന്ത്രി ഉദ്ഘാടനം ചെയ്യുകയായിരുന്നു.