ബെംഗളൂരു: ഐപിഎൽ ചരിത്രത്തിലെ ഏറ്റവും വലിയ ടീം കൈമാറ്റത്തിന് ശേഷം, റോയല്‍ ചലഞ്ചേഴ്സ് ബെംഗളൂരു (ആര്‍സിബി) ആരാധകർ തമ്മിലുള്ള പ്രധാന ചർച്ച – ടീമിന്റെ പേര് മാറുമോ എന്നതാണ്. 16,706 കോടി രൂപ (1.78 ബില്യൺ ഡോളർ) തുകയുള്ള റെക്കോർഡ് കൈമാറ്റത്തിൽ ആദിത്യ ബിർള ഗ്രൂപ്പിന്റെ നേതൃത്വത്തിലുള്ള കൺസോർഷ്യം ആര്‍സിബിയുടെ പുതിയ ഉടമസ്ഥാവകാശം സ്വന്തമാക്കിയിരുന്നു.

ആരാധകരുടെ ആശങ്കകൾക്ക് മറുപടിയായി, അനന്യ ബിർള തന്റെ ഇൻസ്റ്റാഗ്രാം സ്റ്റോറിയിലൂടെ അറിയിച്ചു: “ആര്‍സിബി എന്ന പേര് തുടരും”. ഇതോടെ സാമൂഹിക മാധ്യമങ്ങളിലുണ്ടായിരുന്ന അഭ്യൂഹങ്ങൾക്ക് അന്തിമമായി വിരാമം ലഭിച്ചു. പുതിയ ഉടമകൾ ടീമിന്റെ ബ്രാൻഡ് മൂല്യം നിലനിർത്താനും, 2025-ൽ നേടിയ ആദ്യ ഐപിഎൽ കിരീടത്തിന്റെ ഓർമ്മയും തുടർന്നും സൂക്ഷിക്കാനുമാണ് തീരുമാനിച്ചത്.

ടീം കൈമാറ്റത്തിലൂടെ ആർസിബി ഐപിഎൽ ചരിത്രത്തിലെ ഏറ്റവും മൂല്യമുള്ള ടീമായി മാറിയിരിക്കുന്നു. ആദിത്യ ബിർള ഗ്രൂപ്പിന്‍റെ പിന്‍തുണയോടെ ടൈംസ് ഓഫ് ഇന്ത്യ ഗ്രൂപ്പ്, ബ്ലാക്ക്‌സ്റ്റോൺ, ബോൾട്ട് വെഞ്ചേഴ്സ് എന്നിവ ചേർന്ന സംയുക്ത സംരംഭമാണ് ആർസിബിയുടെ ഉടമസ്ഥാവകാശം ഏറ്റെടുത്തത്.

പുതിയ ഉടമകൾ പുരുഷ ടീമിനൊപ്പം വനിതാ ടീമിന്റെ പൂർണ്ണ ഉടമസ്ഥാവകാശവും കൈമാറി. 2008 മുതൽ ഐപിഎല്ലിലെ എട്ട് ടീമുകളിൽ ഒന്നായ ആർസിബി, കഴിഞ്ഞ വർഷം ആദ്യമായി കിരീടം സ്വന്തമാക്കിയതിന് ശേഷം വിപണി മൂല്യം കുതിച്ചുയർന്നിരുന്നു.

ഇതോടെ ആരാധകർക്ക് ആത്മവിശ്വാസം നല്‍കുന്ന വാർത്ത – “ആര്‍സിബി എന്നും അതേ പേര് തുടരുന്നു”, പുതിയ ഉടമകൾക്ക് ഐപിഎൽ പീഠത്തിൽ തുടർച്ചയായ വിജയം ലക്ഷ്യമിട്ടാണ് മുന്നോട്ടു പോകുന്നത്.