കുവൈത്തിൽ ജലശുദ്ധീകരണ പ്ലാന്റ് ആക്രമണം; ഇന്ത്യക്കാരൻ കൊല്ലപ്പെട്ടു, ഗൾഫിൽ സംഘർഷം രൂക്ഷം
കുവൈത്ത് സിറ്റി: ഗൾഫ് മേഖലയിൽ സംഘർഷം ശക്തമാകുന്നതിനിടെ കുവൈത്തിലെ കുടിവെള്ള ശുദ്ധീകരണ പ്ലാന്റിന് നേരെയുണ്ടായ ആക്രമണത്തിൽ ഒരു ഇന്ത്യക്കാരൻ കൊല്ലപ്പെട്ടു. സർവീസ് കെട്ടിടം ലക്ഷ്യമിട്ട് നടത്തിയ ആക്രമണത്തിലാണ് മരണം സംഭവിച്ചതെന്ന് അധികൃതർ സ്ഥിരീകരിച്ചു. സംഭവത്തെ തുടർന്ന് പ്രദേശത്ത് സുരക്ഷ ശക്തമാക്കിയിട്ടുണ്ട്. ഇതിനൊപ്പം ഇറാനിലെ തബ്റിസ് നഗരത്തിലെ പെട്രോ-കെമിക്കൽ ഫാക്ടറിയിലും ആക്രമണം റിപ്പോർട്ട് ചെയ്തു. ഇതിനെ തുടർന്ന് വാതക ചോർച്ച ഉണ്ടായതായും പ്രദേശത്ത് അടിയന്തര സുരക്ഷാ നടപടികൾ സ്വീകരിച്ചതായും അറിയുന്നു. സമീപ പ്രദേശങ്ങളിലെ ആളുകളെ സുരക്ഷിത കേന്ദ്രങ്ങളിലേക്ക് മാറ്റിയിട്ടുണ്ട്. […]

















































































































































































































































































































































































